ਹਰ ਵਿਅਕਤੀ ਦੀ ਸੋਚ ਦਾ ਅੰਦਾਜਾ ਉਸ ਵਲੋਂ ਸੋਸ਼ਲ ਸਾਈਟਾਂ ਤੇ ਪਾਈਆਂ ਪੋਸਟਾਂ ਤੋਂ ਪਤਾ ਲੱਗ ਜਾਂਦਾ ਹੈ

ਸ਼ੋਸਲ ਮੀਡੀਆ

ਹਰ ਵਿਅਕਤੀ ਦੀ ਸੋਚ ਦਾ ਅੰਦਾਜਾ ਉਸ ਵਲੋਂ ਸੋਸ਼ਲ ਸਾਈਟਾਂ ਤੇ ਪਾਈਆਂ ਪੋਸਟਾਂ ਤੋਂ ਪਤਾ ਲੱਗ ਜਾਂਦਾ ਹੈ।

ਦੂਜੇ ਦੇਸ਼ਾਂ ਦੇ ਮੁਕਾਬਲੇ ਸਾਡੇ ਦੇਸ਼ ਵਿੱਚ ਮੋਬਾਈਲ ਫੋਨਾਂ ਦੀ ਵਰਤੋਂ ਵੱਧ ਹੋ ਰਹੀ ਹੈ।100 ਕਰੋੜ ਤੋਂ ਵੀ ਵੱਧ ਮੋਬਾਈਲ ਫੋਨ ਅਮੀਰ ਤੇ ਗਰੀਬ ਵਰਤ ਰਹੇ ਹਨ।ਸ਼ੋਸਲ ਮੀਡੀਆ ਵਿੱਚ ਫੇਸਬੁਕ ਦੀ ਸ਼ੁਰੂਆਤ 2004 ਵਿੱਚ ਮਾਰਕ ਜੁਕਰਬਰਗ ਨੇ ਆਪਣੇ ਤਿੰਨ ਸਾਥੀਆਂ ਨਾਲ ਸ਼ੁਰੂਆਤ ਕੀਤੀ ਸੀ ਜਦ ਕਿ ਵੈਟਸਅਪ ਦਾ ਅਗਾਜ਼ 2009 ਵਿਚ ਹੋਇਆ।ਹੁਣ ਇੰਸਟਾਗਰਾਮ, ਟਵਿੱਟਰ ਨੇ ਸੰਸਾਰ ਨੂੰ ਵਿਸ਼ਵ ਪਿੰਡ ਬਣਾ ਦਿਤਾ ਹੈ।ਸ਼ੋਸਲ ਮੀਡੀਆ ਨੇ ਅਖ਼ਬਾਰ ਪੜ੍ਹਣ ਜਾਂ ਟੈਲੀਵੀਜ਼ਨ ਵੇਖਣ ਦੀ ਜਰੂਰਤ ਹੀ ਘਟਾ ਦਿੱਤੀ ਹੈ।ਹਰ ਵਿਅਕਤੀ ਆਪਣੇ ਪੇਸ਼ੇ,ਸੋਚ ਜਾਂ ਰਾਜਨੀਤਿਕ ਝੁਕਾਅ ਅਨੁਸਾਰ ਵੈਟਸ ਗਰੁੱਪਾਂ ਨਾਲ ਜੁੜਿਆ ਹੋਇਆ ਹੈ। ਇਹ ਸਰਕਾਰੀ, ਪ੍ਰਾਈਵੇਟ ਸੁਨੇਹੇ ਭੇਜਣ ਦਾ ਸਸਤਾ ਸਾਧਨ ਹੈ।ਇਸਨੇ ਚਿਠੀ ਪੱਤਰਾਂ ਤੇ ਟੈਕਸਟ ਮੈਸੇਜ ਲੱਗਭਗ ਖਤਮ ਹੀ ਕਰ ਦਿਤੇ ਹਨ।ਸ਼ੋਸਲ ਮੀਡੀਆ ਦੀ ਤਾਕਤ ਦਾ ਅਹਿਸਾਸ ਟਿਉਨੇਸ਼ੀਆ ਤੋਂ 2010 ਵਿੱਚ ਉਠੀ ਕ੍ਰਾਂਤੀ ਦੀ ਚੰਗਿਆੜੀ ਤੋਂ ਬਾਅਦ ਹੋਇਆ।ਸਾਲ ਦੇ ਅੰਦਰ ਅੰਦਰ ਫੇਸਬੁਕ ਤੇ ਝੁਲੀ ਹਨੇਰੀ ਨੇ ਅਰਬ ਦੇਸ਼ਾਂ ਵਿੱਚ ਤੁਫਾਨ ਮਚਾ ਦਿੱਤਾ ਸੀ।ਸ਼ੋਸਲ ਮੀਡੀਏ ਰਾਂਹੀ ਪੰਜਾਬ ਵਿੱਚ ਆਮ ਆਦਮੀ ਪਾਰਟੀ ਨੇ ਪੁਰਾਣੀਆਂ ਸਿਆਸੀ ਪਾਰਟੀਆਂ ਨੂੰ ਹੈਰਾਨ ਕਰਦਿਆਂ ਲੋਕ ਸਭਾ ਵਿੱਚ ਹਾਜਰੀ ਲਵਾਈ ਸੀ।ਪੰਜਾਬ ਦੀਆਂ ਚੋਣਾਂ ਵਿੱਚ ਵੀ ਮੀਡੀਏ ਤੇ ਆਪ ਦੀ ਚੜ੍ਹਤ ਰਹੀ।ਸ਼ੋਸਲ ਮੀਡੀਏ ਦੀ ਦੁਰਵਰਤੋਂ ਨੇ ਇਸ ਨੂੰ ਸ਼ੱਕੀ ਬਣਾ ਦਿੱਤਾ ਹੈ।ਸੁਨੇਹੇ, ਸਰਕਾਰੀ ਪੱਤਰ ਜਾਂ ਵੀਡੀਉ ਦੀ ਕੰਮਪਿਊਟਰ ਤਕਨੀਕ ਨਾਲ ਛੇੜਛਾੜ ਕਰਕੇ ਗਲਤ ਪੋਸਟਾਂ ਪਾਈਆਂ ਜਾਂਦੀਆਂ ਹਨ।ਸ਼ਕਲ ਕਿਸੇ ਦੀ ਸਿਰ ਕਿਸੇ ਦਾ ਲਾ ਕੇ ਗਲਤ ਸੁਨੇਹਾ ਦਿੱਤਾ ਜਾਂਦਾ ਹੈ।ਜਾਅਲੀ ਅਤੇ ਇਤਰਾਜ਼ਯੋਗ ਪੋਸਟਾਂ ਸਮਾਜ ਵਿੱਚ ਦਹਿਸ਼ਤ ਫੈਲਾ ਰਹੀਆਂ ਹਨ।ਚੋਣਾਂ ਵਿੱਚ ਸ਼ੋਸਲ ਮੀਡੀਆ ਸਸਤਾ ਤੇ ਹੋਛਾ ਹਥਿਆਰ ਹੈ।ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਇਲੈਕਟਰੋਨਿਕ ਮੀਡੀਏ ਦੇ ਪ੍ਰਚਾਰ ਲਈ ਆਪਣੇ ਕਾਰਜਕਾਲ ਦੌਰਾਨ 2374 ਕਰੋੜ ਰੁਪਏ ਤੋਂ ਵੱਧ ਖਰਚੇ। ਅਮਰੀਕਾ ਦੇ ਰਾਸ਼ਟਰਪਤੀ ਦੀ ਚੋਣ ਦਾ ਰੁੱਖ ਬਦਲਣ ਵਾਲਾ ਮੀਡੀਆ ਸੀ।ਪੰਜਾਬ ਚੋਣਾਂ ਵਿਚ ਲੀਡਰਾਂ ਦੀਆਂ ਜਾਅਲੀ ਚਿਠੀਆਂ ਤੇ ਜਾਅਲੀ ਹੁਕਮਨਾਮੇ ਦਾ ਪ੍ਰਚਾਰ ਕੀਤਾ ਗਿਆ।ਆਮ ਜਨਤਾ ਦਾ ਸ਼ੋਸਲ ਮੀਡੀਏ ਤੋਂ ਗਲਤ ਪੋਸਟਾਂ ਕਾਰਣ ਵਿਸ਼ਵਾਸ ਉਠਦਾ ਜਾ ਰਿਹਾ ਹੈ।ਵਾਹਨ ਚਲਾਉਣ ਸਮੇਂ ਮੋਬਾਈਲ ਦੀ ਗਲਤ ਵਰਤੋਂ ਕਰਕੇ ਕਈ ਹਾਦਸੇ ਵਾਪਰ ਰਹੇ ਹਨ।ਨਵੀਂ ਪੀੜੀ ਦਾ ਪੜਾਈ ਦੀ ਥਾਂ ਸ਼ੋਸਲ ਮੀਡੀਆ ਵੱਲ ਜਿਆਦਾ ਧਿਆਨ ਹੈ।ਮਾਪਿਆਂ ਵੱਲੋਂ ਬੱਚਿਆਂ ਵਲ ਧਿਆਨ ਦੇਣ ਦਾ ਸਮਾਂ ਨਹੀ।ਵੱਡੀ ਗਿਣਤੀ ਵਿੱਚ ਨੌਜਵਾਨ ਹਰ ਸਮੇਂ ਵੈਟਸਅਪ ਅਤੇ ਫੇਸਬੁਕ ਤੇ ਚੈਟਿੰਗ ਤੇ ਗੇਮਾਂ ਵਿੱਚ ਏਨਾ ਰੁੱਝ ਜਾਂਦੇ ਉਨਾਂ ਨੂੰ ਨਾ ਖਾਣ ਪੀਣਾ,ਨਾ ਕਿਸੇ ਦਾ ਆਉਣ ਜਾਣ ਦਾ,ਨਾ ਕਿਸੇ ਕੰਮ ਦਾ, ਨਾ ਪੜਾਈ ਦਾ ਧਿਆਨ ਰਹਿੰਦਾ।ਕਈ ਰੇਲ ਲਾਇਨਾਂ ਵਿੱਚ ਤੁਰਦੇ ਸਮੇਂ ਕੰਨਾਂ ਵਿੱਚ ਈਅਰਫੋਨ ਲਾ ਕੇ ਏਨੇ ਮਸਤ ਹੋ ਜਾਂਦੇ ਹਨ ਉਨਾਂ ਨੂੰ ਰੇਲ ਗੱਡੀ ਦੀ ਅਵਾਜ਼ ਵੀ ਨਹੀਂ ਸੁਣਦੀ ਤੇ ਆਪਣੀ ਜਾਨ ਗੁਆ ਲੈਂਦੇ ਹਨ। ਸੈਲਫੀ ਦੇ ਜਨੂੰਨ ਦਾ ਭੂਤ ਸਵਾਰ ਰਹਿੰਦਾ।ਸ਼ੋਸਲ ਮੀਡੀਏ ਤੇ ਅੰਧਵਿਸ਼ਵਾਸ, ਅਸ਼ਲੀਲਤਾ ਦਾ ਅੰਨੇ ਵਾਹ ਪ੍ਰਚਾਰ ਕੀਤਾ ਜਾ ਰਿਹਾ।ਜੇ ਸ਼ੋਸਲ ਮੀਡੀਏ ਦੀ ਸਹੀ ਵਰਤੋਂ ਕੀਤੀ ਜਾਵੇ ਤਾਂ ਇਸਦੀ ਵਰਤੋਂ ਮਾੜੀ ਨਹੀਂ,ਸਗੋਂ ਜਿੰਦਗੀ ਦੀ ਬੇਹਤਰੀ ਲਈ ਫਾਇਦੇਮੰਦ ਹੈ ਬਾਕੀ ਵਰਤੋ ਕਰਨ ਵਾਲੇ ਤੇ ਨਿਰਭਰ ਹੈ।     

Bagi Notes

baginotes@gmail.com

ਫਰਬਰੀ 2014